طريقة عــمل الـتــشـيــكـن بـاســتــا بالصور حياكم

السلام عليكم ورحمة الله

اليوم جبتلكم طريقة الباستا الايطاليه (بالصوص الابيض) وهي من اشهر الماكولات الايطاليه
وعليها اقبال في الدوحه ولها اكثر من طريقة اتمنى تعجبكم طريقتي الخاصه

المقادير:
صدور دجاج مقطعه بشكل طولي + 3 حبات نقانق مقطعه + علبة فطر مقطع جاهز +1 حبة بصل + 3 فصوص ثوم مهروسه + 1 مكعب ماجي + 1 ملعقة زعتر بري (اوريقانو)+نص ملعقة ملح + 1 ملعقة صغيره فلفل اسود + ملعقة صغيرة بهارات مشكله + نص ملعقة صغيره خل ( اختياري) + نص كوب ماي+ 3 ملاعق جبنة موزاريلا مبشوره.+ زيت ذرة للطهي + باستا مسلوقه بماي وملح وزيت ( بينيه باستا).

مقادير الصوص الابيض:
4حبات جبنة كيري + 4 ملاعق حليب بودره + علبة قشطه يمكن استبدالها بكريمة الخفق +
ملعقه كبيره طحين + نص كوب ماي.


الطريقه:
بالاول اسمحولي لاني نسيت اصور المقادير وحبيت اضيف ملاحظه انه الخضروات يمكن نضيفها
حسب الرغبه مثل الكوسا والفلفل الرومي والبروكلي ( نفس يم يم تري) , وفي انواع كثيره للباستا مثل فوتيشيني الفريدو وباستا كاربونارا.

الخطوات:
نحط الزيت في جدر مناسب للطهي ونضيف عليه حلقات البصل والثوم مع التقليب المستمر




تالي نضيف صدور الدجاج والنقانق والفطر مع اضافة البهارات ومكعب الماجي والملح والفلفل



ونضيف نص كوب الماي مع التقليب المستمر لمدة 5-10 دقايق عشان ينضج الدجاج ونلاحظ انه الماي راح يخف تدريجيا وما ننسى اضافة الزعتر البري


الحين نحضر الصوص الابيض نخلط كل المقادير السابقه في الخلاط (المعصره) وراح يكون عندنا خليط ابيض غليظ نفس اللي في الصوره



نجي للباستا المسلوقه (البينيه) بعد ما شخلناها اذا كانت الباستا متماسكه رشوا عليها ماي بارد عشان تتفكك.



نضيف خلطة الدجاج الى الباستا في جدر اكبر مع التحريك الخفيف عشان ما تتكسر الباستا




عقب نضيف الصوص الابيض الى المقادير السابقه + جبنة الموزاريلا مع التقليب المستمر





^

^

^

^

^

^

^

^

^
وهاي الشكل النهائي للباستا على فكره لازم تقدم حاره وتناكل على طول لانه اذا طولت يتجمد الصوص وتخترب الباستا



ونسيت اقولكم سويت باستا بالصوص الاحمر حق الوالد لانه ما يحب الصوص الابيض
]

انصحكم تجربونها هاذي اسهل طريقه وطعمها لذيذ بس لا تكثرون منها لانها دسمة شوي جربوها وادعولي

تحياتي لكم