أبي من عينك أبكي لك

تجيني طيف ياعمري على جنحان شوقي لك
أخاف أرمش من عيوني وأبعثر جيت وصالك
حبيبي لاتجيني قول وين أنت؟
وأنا أجي لك أبيك تقول وين أنت؟
وعلى عيوني أنا أسعى لك
وربي فوق روس الشوك لأخلي القلب يمشي لك
وأخلي ظلالي يسبقني قبل يحضني منزالك
ثواني بس من عيونك وأبهدي لك
في عينك ضحكه حتى تكحل عين عذالك
يقولوا الناس بغيابي تشب القلب ويضوي لك
حنيني ومن وهج شوقه يميل القلب لامالك
قضى دمعي من عيوني أبي من عينك أبكي لك
أبنثر من ورى عيوني دموع عيون ترحالك
تعبت أهرب من الأشياء البسيطه من تفاصيلك
تعبت أسأل زوايا البيت عن أول وأخر أحوالك
حتى الشوق من صبح الدرايش قام يهدي لك
عصافير الرضى ترفرف على بيبان مدخالك
هنا ترمي صباح الخير قبل لاتروح وأدعي لك
وهنا تضوي مساء الخيرفي عيني من هلالك
أنا من الليل يقطفني شعوري لك وأغني لك
أنا من الصبح يليلني الحزن من لون موالك
حرام الليل ماهو ليل إذا ماكنت في ليلك
وحرام الصبح ماهو صبح إذا ماكنت فظلالك
تروح وقلت أحط روحي على كفي وأناديلك
فزعت العمر من شفت الغلا بالروح نادالك
بربك قول وش سوى الفراق بوجه منديلك
تسيل ألوان طيفي فيه إلى من البكاء سالك
حبيبي لايبكيك الفراق ولا يهد حيلك
أخاف الدمع من عينك يجفف صورتي ببالك
تعال أحتاج أسولف لك عن الأيام وأشكي لك
وأفض غيم الحزن وأنثر حنين الشوق بقبالك
تعال وحط في قلبي هموم الفرقا وأشيلك
لأن القلب ماهو قلب إذا في نبضه ماشالك
وقف دمعي من عيوني أبي من عينك أبكي لك
أخاف أبكي من عيوني وأبعثر جيت وصالك

يسلمك

ومنوره ياعسل

انتي اروع

نورتي ياعسل

رااق لي