هذا ما يجب ان تعرفيه.. بداية الإهتمام بالشعر تبدأ هنا

قررت احط هذا الموضوع لأهميته لان ممكن أشخاص يعرفون هالمعلومة وممكن أشخاص ما يعرفون هالمعلومة بس الموضوع مفيد وبفيدكم إن شاء الله بس الصراحة يباله فعل لو كنتوا مهتمين فيه.

تعرفون ماهو التوازن الطبيعي لجسم الإنسان, جلده, الشعر, الفروة؟؟؟ كد سمعتوا بكلمة PH ؟ طبعا أنا بتحدث عن الجزء الخارجي مب الداخلي
لأني بعدني لم أقرأ عن الداخلي.

المهم هنا

معدل التوازن الطبيعي PH level ينقسم إلى :
حمضي: 1 - 7.40
طبيعي/معتدل: 7.41
قلوي: 7.42 - 14

هذا هو المعدلات الرئيسية ،، الحين بما ان الموضوع يختص بقسم العناية بالشعر ممكن حد يسأل شو دخل هذا الموضوع بالشعر الحين بقولكن

المعدل الطبيعي للتوازن في الشعر والفروة هي ما بين 4.5 - 5.5 يعني شعرنا يميل للحمضي أكثر من القلوي .. انتبهوا يميل للحمضي مب حمضي تام.

المعنى أنه إذا اختل التوازن الطبيعي للشعر والفروة بكون بداية المشاكل ولا يمكن انها تنتهي إلا إذا عالجتيه بحكمة.

المعنى بعد أنه لازم المعدل الطبيعي للتوازن في الشعر والفروة ما يكون حمضي بحت أو يرتفع فوق المعدل الطبيعي والمعتدل ويميل للقلوي لأنه نفس ما قلت شعورنا تميل للوسط الحمضي أكثر من الوسط القلوي.


ماذا يجب أن تفعلي:

1- طبعا بإمكانج تروحين عند مختصة عندها ضمير تفحصلج فروة راسج وشعرج شو معدل التوازن الحالي فيه.
2- بعد الفحص ،، لازم تعرفين إذا كان قلوي جدا أو حمضي جدا أو طبيعي، هاي المعلومة مهمة وايد عشان تقدرين تعالجين شعرج.
3- إذا كان قلوي جدا ، لازم تردينه للوسط المايل للحمضي / إذا كان حمضي زايد عن حده لازم ترفعينه أكثر للمعدل الطبيعي مثلا:

في البداية حطيت الأرقام والأوساط ، مثلا إذا شعرج كان فوق ال7 هذا يعتبر قلوي ،، إذا شعرج كان نازل عن 5 هذا وسط حمضي كبير.
إنتي لازم تبحثين عن الرقم المناسب لشعرج وهو 5 أو 5.5 لان هذا هو الطبيعي للشعر والفروة ولأنه ما تعدى المحايد وهو الرقم 7 ولا انه مال للقلوي وهو اللي أعلى من الرقم 7 .

4- في اللحظة اللي تعرفين فيها شو معدل التوازن الحالي لشعرج ابدي عالجيه وأقصد بالمعالجة مب كريمات وخرابيط الصوالين لا المعالجة تكون عبارة عن :

^ تختارين الشامبو المناسب اللي معدل ال PH فيه ما بين 5.5 لين 6.5 أو 5 لين 6.5 ،، المهم ما تنزلين عن هالرقم ولا ترتفعين عنه
كيف ممكن تعرفين المعدل الطبيعي للتوازن في الشامبوهات في طريقة أنج تروحين الصيدلية وتطلبين الشرايط الخاصة بPH وتجربين الشامبو بانج تحطين على الورقة قليلا من الشامبو وتنتظرين دقايق بطلع لج لون.. اللون اللي يطلع على الشريطة بتدلج كم الرقم الموجود في الشامبو طبعا على الكرتونة أو ورقة محطوط الأرقام باللون فيها عشان تستدلين باللون الطالع على الرقم.

^ طبعا الطريقة صعبة أنج تجربين أنواع من الشامبوهات تقدرين تسألين الصيدلية أو حتى اللي في الصوالين طبعا المختصة بس أهم شيء تلاقين الشخص اللي عنده ضمير وهدفه مب ربحي.

^ الشامبو المناسب طبعا تستخدمينه من اليوم ورايح ،، بس طبعا قبل إذا فحصتي شعرج وطلع انه قلوي لازم تردينه للوسط الحمضي الطبيعي
في عدة طرق طبيعية
1- تقدرين تستخدمين خل التفاح لأنه وسط حمضي مناسب أو تقدرين تستخدمين عصير الصبار ألو فيرا لانه الوسط الحمضي له مناسب.
2- طبعا الإستخدام مب يومي فقط تستخدمينه لإنزال الوسط للمعدل الطبيعي من القلوي لين الحمضي الطبيعي.
3- حمام الزيت بين فترة وفترة مناسب ، عمل أقنعة للشعر مناسب ( للأمانة القناع الأقوى بخاصية البروتين هو خلط بيضة مع قطرات من زيت الزيتون أو زيت جوز الهند بس المستخدم زيت الزيتون).
4- لا ترهقين شعرج بالخلطات والتعفيسات لانه يريد يتنفس وضرر للشعر انج تستخدمين الخلطات بكثرة لأنه بعد يفقد الزيت الطبيعي للشعر.


معلومات مهمة

1- الشعر عضو يحتاج للتغذية والتغذية بحصلها من الداخل والخارج.
2- كثري من تغذية الشعر داخليا مب خارجيا.
3- غذي شعرج خارجيا بين فترة وفترة ،، مثل حمام الزيت ( استخدمي الزيت المناسب) مثل زيت الزيتون، زيت جوز الهند، زيت اللوز الحلو، زيت الصبار. طبعا ابحثي معلومات عن الزيت المناسب لشعرج واستخدميه.
4- نفس ما رمسنا، استخدمي شامبو ذو خاصية حمضية طبيعية لأن الشعر طبيعته يميل للوسط الحمضي.
5- ابتعدي عن الصبغات الكيميائية قدر ما تقدرين وخصيصا المتكررة على فترات متقاربة لأنها تميل للوسط القلوي وتسبب مشاكل للشعر.
6- افحصي الدم وعرفي شو من الفيتامينات ناقصة عندج لانها سبب في مشاكل الشعر وغيره.
7- فيتامين b2 - b5 - b8 - c - d - e - الحديد - الزنك كلها فيتامينات مهمة للشعر طبعا في هناك فيتامينات أخرى
8- شرب الماء بكثرة.
9- التغذية التغذية التغذية ،، الفواكه والاوراق الخضراء مهمة جدا جدا.
10 - تعرفين أن العضوين اللي في الجسم آخر ماتوصل له الفيتامينات هما الشعر والأظافر.
11- أغلب الشامبوهات تحوي وسط قلوي.
12 - استحمي بماء مفلتر ( في محلات تبيع الشور بفلتر أو انتي تقدرين تركبين لسماعة الشور من الداخل قطعة صغيرة خاصة بالفلترة)
13 - الوسط القلوي مناسب لعيش البكتيريا والفطريات،، فسبحان الله الشعر طبيعته وسط مايل للحمضي.

معلومة مثيرة للجدل

يمكن سمعتوا عن مادة SLS هاي المادة في منها نوعين
1 نوع اسمها Soodium Lauryl Sulfate
2 ونوع اسمها Soodium Laureth Sulfate

طبعا النوع الأول خطير جدا جدا وهذا نادرا ما تحصلينه لأنه ممنوع،، أما النوع الثاني هو خطير بس مب مثل النوع الأول وأصلا هو مستخدم في أغلب المنتجات يعني من الصعب تفاديه إلا إذا بحثتي عن شامبو عضوي.


معلومة مهمة جدا

ابتعدي عن شامبوهات ضد القشرة أو شامبوهات 2 في واحد أو شامبوهات الفواكه لانها تحوي مواد تؤذي الشعر
شامبو ضد القشرة يحوي مادتين تضر الشعر وتفقده حيويته وتنشفه الإسم هو:
Sulfur / و : Selenium Sulfide


للأمانة

كان شعري يتساقط بس كان فيه حيوية وكثيف لحد ما،، فجأة بدون سابق انذار شعري خف وايد حتى خفت بصلع خخخ ،، طبعا انا أعرف ان مشكلته الرئيسية التغذية لانه ناقص فيتامينات وايد طبعا هاي كانت رحاتي للقراية والبحث عن المعلومات وهاي المعلومة اللي كتبتها اليوم عرفتها جديد،، وبصراحة أريد أبداها لأني كنت شاكة في الشامبوهات بعد وخصيصا انها ماصارت مثل قبل أبدا!!
وطبعا استخدمت شامبو ضد القشرة الأزرق وياليتني ماستخدمته او عالأقل اطلعت على المعلومات قبل لانه يحوي المادة الذي ذكرتها فوق ونشف شعري وااايد.. وطبعا شعري الحين باهت وتعبان بصراحة بس إن شاء الله ناوية أعتني فيه وخصيصا من داخل وأبحث عن الشامبو المناسب وطبعا استخدم ماء مفلتر ^^

وهاي نهاية موضوعي...

منقوووووول